ស្វាគមន៍ខែកញ្ញា ជាមួយកម្មវិធីប្រកួតប្រជេងបកប្រែ នៅ @TranslateWiki.net (Translation Rally) #L10n

សួស្ដី! ប្លករបស់សហគមន៍យើងដូចជាស្ងាត់…សម្រាប់រយៈពេលជាង១ខែចុងក្រោយនេះ។ ដោយសារសមាជិកយើង មានការរវល់ជាប់សិក្សា និងបំពេញការងារផ្សេងៗទៀត។ ចុះអ្នកទាំងអស់គ្នាវិញ សុខសប្បាយដែលឬទេ?

ថ្ងៃនេះជាថ្ងៃទី១នៃខែកញ្ញា – ខែថ្មី យើងសង្ឃឹមថា កិច្ចការងាររបស់ក្រុមយើង នឹងរឹតតែល្អប្រសើរយើង!!!
ជាកិច្ចស្វាគមន៍ដល់ខែកញ្ញានេះ យើងក៏ទទួលបានព័ត៌មានថ្មីមួយ តាមរយៈអីុមែល ពីគម្រោង TranslateWiki.net អំពី កម្មវិធីប្រកួតប្រជេងបកប្រែ Translation Rally ដែលមានប្រាក់រង្វាន់សរុប ១០០០ អឺរ៉ូ សម្រាប់ចែកគ្នាដល់អ្នកចូលរួមទាំងឡាយណាដែលអាចបំពេញលក្ខខណ្ឌបាន។

សូមអានខ្លឹមសារដើមនៃអុីមែលនេោះ ដូចតទៅ៖

Hello, dear translatewiki.net user.

This is the http://translatewiki.net e-mail newsletter for September 2011. This month’s newsletter focuses on MediaWiki 1.18, Kiwix, a translation rally and more. Join our latest Translation Rally now! The project’s success relies on your continued involvement and enthusiasm.

A web version of this newsletter is available at: https://translatewiki.net/wiki/Project:News/Newsletter_2011-09

Translation Rally: Contribute 500 translations and share in 1,000 Euro

Very soon the second Translation Rally of 2011 is starting. This rally is sponsored by Wikimedia Nederland, the Dutch Wikimedia chapter and is facilitated by Stichting Open Progress. We are very grateful for this wonderful support! The September 2011 translatewiki.net Translation Rally starts at 2 September 2011 00:00 UTC and will run until 9 September 2011 24:00 UTC. Check out the project page for more details.

The previous rally resulted in 56,650 new translations. Let’s make this the best Translation Rally ever!

Translatewiki.net goes semantic

We have installed a few Semantic MediaWiki extensions at translatewiki.net. The first use case is a map of translators. There is a map on each language portal and project page. A map of all translators is also possible.

There are plans to use semantic features for other things too. Please see RfC: Starting Project Terminologies and Personal Goals.

Product support and staff

Translatewiki.net mostly “does stuff” and as an organisation we are notoriously averse of all things administrative. We hate it. One thing we like to improve is reaching out regularly to you. We would love to inform you on a monthly basis of how our community is able to help real users of real software be more productive, more educated, and more able to get things done. If you care and have the skills to help us, please let us know. We can use your help.

Things however do get done:

• Newly supported projects: Encyclopedia of Life and Kiwix.
• Plural support has been improved and extended for FreeCol, Shapado, Toolserver and Pywikipediabot.
• MediaWiki is nearing the final stages before a 1.18 release.
• We soon hope to offer support for MyBB, maintained by the new staff member Huji Lee (huji).
• Robin Pepermans (SPQRobin) has been added to staff group.

If you are a developer of a promising Free and Open Source Software product and you are looking for a great community to localise your product, please get in touch with us!

Operational news

In the beginning of March we moved to a brand new server made available to use by netcup.de, who has been our computing sponsor since 2007. Our current hosting package will allow us to do whatever we need to support your continued translation efforts.

More detailed news can be found on our News page. Follow translatewiki on Twitter for the latest news.

Finally, translatewiki.net now has about 5,800 registered users. 3,750 of those are sent this newsletter, and of those only 2,250 people have translator rights. You may want to finish the steps that will get you the status of translatewiki.net translator!

We welcome feedback about this newsletter. Please let us know by sending a reply to this mail. We will try to accommodate your wishes.

Siebrand Mazeland
Translatewiki.net staff

របាយការណ៍ វិគីជួប​ជុំ​លើក​ទី៤ នៅ​ទី​ក្រុង​ភ្នំពេញ

កាល​ពី​ថ្ងៃ​ទី២៦ ខែ​មិថុនា ឆ្នាំ​២០១១ នេះ វិគីជួប​ជុំ​លើក​ទី៤ បាន​ប្រព្រឹត្ត​ទៅ​នៅ​ឯ​សាកលវិទ្យាល័យ ពុទ្ធិសាស្ត្រ។ ការ​ជួប​ជុំ​លើក​នេះ​មាន​អ្នក​ចូលរួម​តិច​ជាង​លើក​ទី៣ ប្រមាណ​ជិត​២០នាក់។ ដូច្នេះ​លើក​ទី៤​នេះ ឃើញ​មាន​អ្នក​ចូលរួម​ត្រឹម​តែ ៣៧នាក់​ប៉ុណ្ណោះ។

ប្រធាន​បទ​ដែល​ត្រូវ​បាន​លើក​ឡើង​នៅ​ក្នុង​កិច្ជ​ជួប​ជុំ​លើក​ទី៤ នេះ​មានដូច​ជា៖

1. ការ​ណែនាំ​ត្រួសៗ​អំពី វិគីភីឌា
2. ការ​ណែនាំ​អំពី​របៀប​ប្រើ​ប្រាស់ ចន្លោះ​មើល​មិន​ឃើញ នៅ​ក្នុង​យូនីកូដ​ខ្មែរ
3. អំពី​ការ​បង្កើត​ទំព័រ​គំរូ
4. អំពី​របៀប​នៃ​ការ​សរសេរ​អត្ថបទ (បក​ស្រាយដោយ​វាគ្មិន​ឈ្មោះ ចេង លីតា មក​ពី​សាកលវិទ្យាល័យ​ភូមិន្ទ)
5. ការ​ណែនាំ​ឡើង​វិញ​ពី​ការ​ចាប់​ផ្ដើម​សរសេរ​អត្ថបទ

ការ​ជួប​ជុំ​លើក​នេះ បាន​ដំណើរ​ការ​ទៅ​បាន​ល្អ តែយើង​ក៏​ទទួល​បាន​សំនូម​ពរ និង​មតិរិះគន់​ក្នុង​ន័យ​ស្ថាបនា ​ផង​ដែរ។ ក្នុង​សំនូម​ពរ​ដែល​​អ្នក​ចូលរួម បាន​និយាយ​នៅ​ថ្ងៃ​នោះ​មាន​ដូច​ជា៖

• សូម​ឲ្យ​មាន​ការ​បោះ​ពុម្ព​ជា​ក្រដាស​ឯកសារ ដើម្បី​ចែក​ជូន​អ្នក​ចូលរួម ក្នុង​ការ​ជួប​ជុំ​ក្នុង​ខែ​និមួយៗ
• សូម​ឲ្យ​មាន​បង្កើត​ជា​វីដេអូ​មេរៀន ដើម្បី​ទុក​ឲ្យ​អ្នក​មិន​ដែល​មិន​មែន​ជា​អ្នក IT និង​អ្នក​រៀន​ប្រើ វិគីភីឌា ដំបូង​ងាយ​ស្រួល​ប្រតិបត្តិ​តាម

យើង​ខ្ញុំ​គិត​ថា ចំណុច​ទាំង​ពីរ​ខាង​លើ​នេះ យើង​នឹង​ធ្វើ​ការ​រៀប​ចំ​នៅ​ពេល​ខាង​មុខ។ នៅ​ពេល​បន្ទាប់​យើង​នឹង​រៀប​ចំ​ចង​ក្រង​ធ្វើ​ជា​កូន​សៀវភៅ​ណែនាំ​អំពី​របៀប​ប្រើ​ប្រាស់ វិគីភីឌា មួយ។ ចំណែក​ចំណុច​ទី២ យើង​នៅ​ពិភាក្សា​គ្នា​ថា តើ​គួរ​យក​វីដេអូ​បរទេស​មក​ដាក់​អក្សរ​រត់​ពី​ក្រោម (sub-title) ឬ​ក៏ ធ្វើ​ថ្មី​តែ​ម្ដង។ តើ​អ្នក​គិត​ថា គួរ​តែ​បង្កើត​ថ្មី ឬ​ក៏ យក​វីដេអូ​បរទេស​មក​ធ្វើ​អក្សរ​រត់​ពី​ក្រោម?

ក្រៅ​ពីនេះ យើង​ក៏​បាន​ធ្វើ​ប្រអប់​បរិច្ចាគ​ផង​ដែរ។ យើង​ទទួល​បាន​ប្រាក់​ប្រមាណ​ជិត​៤ម៉ឺន​រៀល ដែល​អាច​គ្រប់​គ្រាន់​ក្នុង​ការ​បោះ​ពុម្ព​ក្រដាស និង​ទិញ​ទឹក​សុទ្ធ​សម្រាប់​វិគីជួប​ជុំ​លើក​ក្រោយ។

ខាង​ក្រោម​នេះ​គឺ​ជា​រូប​ខ្លះៗ​នៅ​ក្នុង​វិគីជួប​ជុំ​លើក​ទី៤៖

វិគីភីឌា​ភាសា​ខ្មែរ នៅ​លើ​ទំព័រ​សារព័ត៌មាន Cambodia Daily

សូម​អរគុណ​បង​ប្រុស ផាន់ណារិទ្ធ ដែល​បាន​ផ្ដល់​រូប​ភាព និង​ដំណឹង​នេះ។

វិគីជួប​ជុំ លើក​ទី៤ ក្នុង​ទី​ក្រុង​ភ្នំពេញ

ដោយ​មាន​ការ​គាំទ្រ​យ៉ាង​ច្រើន​ពី​សំណាក់​បង​ប្អូនជាតិ​ខ្មែរ ធ្វើ​ឲ្យ​ក្រុម​ការ​ងារ​យើង​មាន​ទឹកចិត្ត​សប្បាយ​រីករាយក្នុង​ការ​បង្កើត​កម្មវិធី វិគីជួប​ជុំ ជា​រៀង​រាល់​លើក។ កាល​ពី​ថ្ងៃ​ទី២៩ ខែ​ឧសភា ឆ្នាំ​២០១១ នេះ​វិគីជួប​ជុំ​លើក​ទី៣ បាន​បញ្ចប់​ជា​ស្ថាបពរ​ភ្ជាប់​មក​ជាមួយ​ភាព​ជោគជ័យ។ នៅ​ថ្ងៃ​នេះ​ក្រុម​ការ​ងារ​យើង​ខ្ញុំ សូម​ប្រកាស​ដល់​បង​ប្អូន​ទាំង​អស់​គ្នាថា វិគីជួប​ជុំ លើក​ទី៤ ក្នុង​ទី​ក្រុង​ភ្នំពេញ នឹង​ធ្វើ​ឡើង៖

• ពេលវេលា៖ នៅ​ថ្ងៃ​ទី២៦ ខែ​មិថុនា ឆ្នាំ​២០១១ វេលា​ម៉ោង​២​រសៀល ដល់​ម៉ោង​៥ល្ងាច
• ទី​កន្លែង៖ សកលវិទ្យាល័យ ពុទ្ធិសាស្ត្រ [ផែន​ទី៖ http://www.puthisastra.edu.kh/index.php?q=node%2F11]
• ប្រធាន​បទ
• ណែនាំខ្លីៗអំពីវិគីភីឌាភាសាខ្មែរ
• ណែនាំពីការប្រើប្រាស់ឧបករណ៍ក្នុងគេហទំព័រ (បន្ដ)
• របៀបដាក់ចំណាត់ក្រុម និង ការប្រើប្រាស់ផ្សេងៗទៀត
• របៀបប្រើចន្លោះមើលមិនឃើញ ក្នុងយូនីកូដខ្មែរ
• ការ​ចែក​រំលែក​បទ​ពិសោធន៍​អំពី​ការ​សរសេរ​អត្ថបទ ពី​សំណាក់​វាគ្មិន
• ពិភាក្សាក្រុម និង ស្វែងរកសមាជិកក្រុមនិមួយៗ (បន្ដពីការជួបជុំលើកទី៣)
• គម្រោងនាពេលអនាគតដ៏ខ្លី
• ផ្សេងៗ សំនួរ ចម្លើយ
• ទំព័រ​អំពី​ព្រឹត្តិការណ៍​ នៅ​ក្នុង Facebook៖ https://www.facebook.com/event.php?eid=193595574026275

ចូលរួមតាមក្រុមជំនាញ

សួស្ដីបងប្អូនទាំងអស់ជាទីមេត្រី ក្រោយពីបានប្រារព្វពិធីជួបជុំវិគីលើកទី៣ យើងមានគំរោងចង់បង្កើតជាក្រុមជំនាញ គ្រប់ផ្នែកទាំងអស់ដូចជា ព័ត៌មានវិទ្យា វិទ្យាសាស្ដ្រទូទៅ (គណិតវិទ្យា រូបវិទ្យា គីមីវិទ្យា ជីវវិទ្យា…) ប្រវត្តិសាស្រ្ដ ភូមិសាស្រ្ដ (ភ្នំ ទន្លេ វត្ត សាលា ផ្សារ ខេត្ត….) សិល្បៈ សាសនា នយោបាយ សេដ្ឋកិច្ច វិស្វកម្ម និង ជំនាញដទៃទៀតជាច្រើនទៅតាមជំនាញនិងចំនង់ចំណូលចិត្តរបស់បងប្អូនទាំងអស់ ដើម្បីលើកតំកើនភាសាខ្មែរ ព្រមទាំងបង្កើននូវអត្ថបទទាក់ទង់នឹងជំនាញទាំងអស់។ សហគមន៍វិគីភីឌាភាសាខ្មែរក៏ត្រូវការ សមាជិកសកម្ម មកជួយការងារយើង ព្រមទាំងអ្នកស្ម័គ្រចិត្តបកប្រែឯកសារអត្ថបទបរទេសទៅជាភាសាខ្មែរ ព្រមទាំងការងារជាច្រើនទៀត។ ប្រសិនបើបងប្អូនមានបំណងចង់ចែករំលែកពេលវេលាចូលរួមជាមួយក្រុមយើង សូមបំពេញឈ្មោះនៅតំណភ្ជាប់ខាងក្រោមនេះ

https://spreadsheets.google.com/spreadsheet/viewform?pli=1&hl=en_US&formkey=dE4wdEpHRDJhYjlyUXJDX0RJY2RBdEE6MQ#gid=0

ហើយប្រសិនបើមានចម្ងល់អ្វីអាចទាក់ទងមកកាន់ khmer.wikipedia@gmail.com។

សហគមន៍ខ្មែរវិគីភីឌាសូមថ្លែងអំណរគុណនូវរាល់ការចូលរួមរបស់បងប្អូន ទាំងអស់ដោយក្ដីរីករាយ។

វិគីជួបជុំលើកទី៣

វិគីជួបជុំលើកទី៣នៅសកលវិទ្យាល័យហ្សាម៉ាន់អន្តរជាតិ

 

លោកអ្នកអានប្រហែលជាបានជ្រាបអំពីគេហទំព័រ Wikipedia ខ្លះៗហើយតែមិនទាន់បានស៊ីជំរៅ។ ក្នុងអត្ថបទនេះលោកអ្នកនឹងកាន់តែយល់ដឹងលំអិតថាអ្វីទៅ Wikipedia? ប្រទេសខ្មែរយើងក៏បានទទួលយកគំរោងនេះមកអនុវត្តន៍ក្នុងស្រុកដែរ គឺវិគីភីឌាភាសាខ្មែរ។ Wikipedia មកពីភាសាហាវ៉ៃ Wiki ប្រែថា(លឿន)ផ្សំនឹងពាក្យ Encyclopedia (សព្វវចនាធិប្បាយ) ដែលយើងបកជាភាសាខ្មែរថាសព្វវចនាធិប្បាយសេរី។ វិគីភីឌាមានកំណើតនៅឆ្នាំ២០០១ដោយលោក Jimmy Wales ហើយបានរីកដុះដាលទៅគ្រប់ប្រទេស និង គ្រប់ភាសា។ នៅឆ្នាំ២០០៥ វិគីភីឌាក៏បានបង្កើតគំរោងអោយប្រទេសខ្មែរផងដែរដែលគ្រប់គ្រងដោយអ្នកប្រើប្រាស់ម្នាក់ មានអត្តសញ្ញាណសំគាល់ Jose77ក្នុងគេហទំព័រវិគីភីឌាភាសាខ្មែរ តែទំព័រទាំងអស់សុទ្ធតែជាភាសាអង់គ្លេស រហូតដល់ឆ្នាំ២០០៦ទើបមានអ្នកប្រើប្រាស់ជនជាតិខ្មែរបានជួយធ្វើការ បកប្រែអោយទៅជាភាសាខ្មែរ ដែលក្នុងនោះមានសមាជិកម្នាក់គឺលោក អ៊ំវ័ណថារិទ្ធដែលសព្វថ្ងៃជាអភិបាលគ្រប់គ្រងគេហទំព័រវិគីភីឌាភាសាខ្មែរ។

 

គោលបំណងដែលយើងចង់អោយមានគំរោងនេះនៅប្រទេសខ្មែរគឺយើងយល់ថា គេហទំព័រនេះនឹងផ្ដល់ជាប្រយោជន៍យ៉ាងទូលំទូលាយដល់ពលរដ្ឋខ្មែរទាំងមូល មិនថានៅក្នុងស្រុកឬក្រៅស្រុក។ វិគីភីឌាជាសព្វវចនាធិប្បាយសេរី មានន័យថាជាកន្លែងប្រមូលផ្ដុំនូវចំណេះដឹងគ្រប់ជំនាញ គ្រប់ផ្នែកដែលមនុស្សគ្រប់រូបមិនថានៅទីកន្លែងណា អាយុប៉ុន្មានសុទ្ធតែអាចទទួលបានចំណេះ ដែលវិគីភីឌាបានផ្ដល់អោយ ឬក៏អាចចូលរួមចែករំលែកចំណេះដឹងដែលខ្លួនមាន ទៅអោយអ្នកដទៃបានដោយសេរី។ អ្វីដែលសំខាន់ជាងនេះទៅទៀតគឺយើងចង់បណ្ដុះ អោយបានអត្ថបទជាភាសាជាតិយើង នៅលើប្រព័ន្ធអ៊ីនធឺណែតកាន់តែច្រើនឡើងៗ ដើម្បីបំពេញតម្រូវការរបស់បងប្អូនខ្មែរដែលមិនសូវមានចំណេះផ្នែកភាសាបរទេស ម្យ៉ាងជួយលើកដំកើនវិស័យអក្សរសាស្រ្ដជាតិអោយរីកចំរើន អោយមានមុខមាត់លើឆាកអន្ដរជាតិ។​ បន្ថែមពីលើនេះទៀតគឺជុំរុញអោយមានការប្រើប្រាស់ខ្មែរយូនីកូដអោយកាន់តែទូលំទូលាយ ដែលជាកូដរបស់ខ្មែរយើងដែលមានលក្ខណៈស្ដង់ដាអន្ដរជាតិ ដែលកាលពីមុនយើងប្រើប្រាស់ ពុម្ពអក្សរលីមូនដែលយកកូដ (ASCII) មកប្រើបណ្ដោះអាសន្ន។ សព្វថ្ងៃយើងមានយូនីកូដខ្មែរហើយ យើងគួរលើកតំកើងអក្សរសាស្រ្ដយើង និងអត្ថបទយើងអោយបានទូលំទូលាយដោយជៀសវាងយកពាក្យឡាតាំង មកវាយជាភាសាខ្មែរប្រសិនបើអាចជៀសរួច។

ការប្រជុំលើកទី១ យើងមានអ្នកចូលរួម៣នាក់ តែយើងសង្ឃឹមយ៉ាងមុតមាំនូវអ្វីដែលយើងបានធ្វើនេះ នឹងផ្ដល់ផលប្រយោជន៍ជាសាធារណៈជូនប្រជាជាតិទាំងមូល ទោះបីការងារនេះមិនបានផ្ដល់ប្រាក់កំរៃ ដល់យើងយ៉ាងណាក៏ដោយ។ ការតាំងចិត្តរបស់យើងបានផ្ដល់ជាលទ្ធផលយ៉ាងគាប់ចិត្តមកវិញ ការប្រជុំលើកទី២មានអ្នកចូលរួម១៦នាក់ និងការប្រជុំលើកទី៣ ដែលធ្វើឡើងនៅថ្ងៃទី២៩ ខែឧសភា ឆ្នាំ២០១១ នៅសកលវិទ្យាល័យហ្សាម៉ាន់កន្លងទៅនេះ មានអ្នកចូលរួមជាង៦០នាក់។ វិគីភីឌាភាសាខ្មែរមានការប្រជុំជាអចិន្ត្រៃ គឺរៀងរាល់ថ្ងៃអាទិត្យនៃសប្ដាហ៍ទីបួនរាល់ខែ។

 

ជាចុងបញ្ចប់ក្រុមការងារវិគីភីឌាភាសាខ្មែរសូមអំពាវនាវដល់បងប្អូន សិស្ស និស្សិត អស់លោក លោកស្រីអ្នកនាង កញ្ញា ដែលមានបំណងចង់លើកស្ទួយភាសាជាតិ ចង់បង្កើនអត្ថបទជាភាសាជាតិអោយបានច្រើនសំរាប់មនុស្សជំនាន់ក្រោយ យើងលើកតំកើងការប្រើប្រាស់ខ្មែរយូនីកូដអោយបានកាន់តែទូលំទូលាយ។ សហគមន៍វិគីភីឌារីករាយជានិច្ច នៅការចូលរួមរបស់ បងប្អូនគ្រប់ជំនាញទាំងអស់។ សូមប្រសិទ្ធិពរជ័យសិរីសួស្ដីចូរកើតមានដល់បងប្អូន លោក លោកស្រី អ្នកនាងកញ្ញា និង ក្រុមគ្រួសារកុំបីឃ្លាងឃ្លាតឡើយ។

 

សហគមន៍វិគីភីឌាភាសាខ្មែរ

Website: http://km.wikipedia.org

Email: khmer.wikipedia@gmail.com

Facebook: http://www.facebook.com/kmwp.fb

Blog: https://khmerwikipedia.wordpress.com/

 

 

ទំព័រ​គំរូ (Template):បញ្ចូល​ឯកសារ​សម្លេង ទៅ​ក្នុង​អត្ថបទ​​នៅ​លើ វិគីភីឌា

អ្នក​ប្រាកដ​ជា​ដឹង​ថា យើង​អាច​ធ្វើ​ការ​ដាក់​រូប​ភាពមួយៗ និង​ដាក់​វិចិត្រសាល​រូប​ភាព​បាន​នៅ​លើ​អត្ថបទ​របស់​យើង ក្នុង​វិគីភីឌា។ នៅ​ពេល​ថ្មីៗ​នេះ​ខ្ញុំ​ទើប​បាន​បង្កើត​ទំព័រ​គំរូ​ថ្មី ដែល​អ្នក​អាច​បញ្ចូល​ឯកសារ​សម្លេង​ទៅ​ក្នុង​អត្ថបទ​របស់អ្នក។ ដើម្បី​ដាក់​ទៅ​ក្នុង​អត្ថបទ សូម​ប្រើ​កូដ​ដូច​ខាង​ក្រោម៖

{{Listen
 | filename = ឈ្មោះ​ឯកសារ
 | title = ចំណង​ជើង
 | format = ប្រភេទ​ឯកសារ
}}

ឧទាហរណ៍

{{Listen
 | filename = Linus-pronounces-linux.ogg
 | title = How Linus Torvalds pronounces Linux
 | format = [[Ogg]]
}}

(ស្គាល់​តែ​ប្រភេទ​ឯកសារ​សម្លេង​មួយ​ចំនួន​ប៉ុណ្ណោះ ដូច​ជា៖ ogg)

វេទិកាពិភាក្សានៃសហគមន៍វិគីភីឌាភាសាខ្មែរ នៅលើ Facebook – #Cambodian version of @Wikipedia’s Village Pump

សួស្ដីអ្នកទាំងអស់គ្នា! រីករាយព្រឹកថ្ងៃសៅរ៍-ចុងសប្ដាហ៍!

ក្រុមការងារយើងមានដំណឹងថ្មីៗមួយចំនួនសម្រាប់ចែករំលែកដល់សហគមន៍យើង។ នៅថ្ងៃចន្ទ ទី១៦ ឧសភា ដើមសប្ដាហ៍នេះ ក្រុមការងារយើងបានបង្កើត «វេទិកាពិភាក្សានៃសហគមន៍វិគីភីឌាភាសាខ្មែរ» នៅលើបណ្ដាញ Facebook ដែលក្រុមថ្មីនេះ នឹងដើរតួនាទីជា តុពិភាក្សាសេរី និងបើកចំហ និយាយអំពីអ្វីៗទាក់ទងនឹងវិគីភីឌាភាសាខ្មែរ សកម្មភាពនិងកិច្ចការនានារបស់យើង ក៏ដូចជាសំនួរឬចម្ងល់នានាដែលសហគមន៍មាន។បន្ទាប់ពីបានបង្កើតបានជិត១សប្ដាហ៍ យើងមានសមាជិកច្រើនជាង១០០នាក់បានចូលរួម។ សង្ឃឹមយ៉ាងមុតមាំថា តុពិភាក្សានេះ នឹងជួយជំរុញដល់ការអភិវឌ្ឍឈានទៅមុខកើនតែលឿននៃវិគីភីឌាភាសាខ្មែរ ក៏ដោយជាគម្រោងបងប្អូនផ្សេងៗទៀត។

ជាឧទាហរណ៍ ក្រុមការងារយើងបានសំុរកការចូលរួមក្នុងការបកប្រែនូវឯកសារណែនាំអំពីវិគីភីឌា បង្កើតឡើងដោយ Eloqua ដែលមានចំណងជើងថា៖ “Grande Guide to Wikipedia” ទៅជាភាសាខ្មែរ ដើម្បីចែករំលែកបន្ដឲ្យបានកាន់តែទូលំទូលាយ។

វេទិកាពិភាក្សានៃសហគមន៍វិគីភីឌាភាសាខ្មែរ (Cambodian version of Wikipedia's Village Pump)

ក្រុមការងារយើងទន្ទឹងរង់ចាំការស្ម័គ្រចិត្តពីអ្នកទាំងអស់គ្នា!

ជាចុងក្រោយ សូមរីករាយអានឯកសារខាងក្រោមនេះដោយមេត្រីភាព។ សូមអរគុណ និងរីករាយថ្ងៃចុងសប្ដាហ៍!

#ក្នុងសារព័ត៌មាន៖ បទសម្ភាសន៍អំពីវិគីភីឌាភាសាខ្មែរ ជាមួយវិទ្យុអូស្ដ្រាលី និងវិបសាយ Sabay.com.kh #kmwp in #InThePress

អរុណសួស្ដីអ្នកទាំងអស់គ្នា!
ខ្ញុំទើបតែឈ្លាតដកឃ្លាបានបន្ដិតពីការសិក្សារបស់ខ្ញុំ ហើយឥឡូវនេះនឹងចែករំលែកនូវអត្ថបទសារព័ត៌មានមួយចំនួន ដែលបានចុះផ្សាយអំពីវិគីភីឌាភាសាខ្មែរយើង។
ខាងក្រោមនេះគឺ ជាការចុះផ្សាយថ្មីៗចុងក្រោយគេអំពីសកម្មភាពនៃសហគមន៍វិគីភីឌាភាសាខ្មែរ។

• បទសម្ភាសន៍ ជាមួយវិទ្យុអូស្ដ្រាលី ក្នុងនាទីវិទ្យាសាស្រ្ដ ប្រចាំថ្ងៃព្រហស្បតិ៍ កាលពីថ្ងៃទី២៨ មេសា ២០១១, ២ថ្ងៃមុនជំនួប វិគីជួបជុំលើកទី២របស់យើង។

លោកអ្នកអាចស្ដាប់បទសម្ភាសន៍ នេះឡើងវិញ ដែលមាននៅផ្នែកទី១ នៃនាទីវិទ្យាសាស្រ្ដនេះ។

• បទសម្ភាសន៍ ជាមួយវិបសាយ Sabay.com.kh  ដែលបានចេញផ្សាយជា ២អត្ថបទ – មួយនៅថ្ងៃទី៤ ឧសភា ២០១១ និងមួយទៀតនៅថ្ងៃទី៤ ខែឆ្នាំដដែល។

អត្ថបទទី១៖ Wikipedia ភាសាខ្មែរ​​មាន​សារប្រយោជន៍​អ្វីខ្លះ?

ជា​ការ​មោទនភាព​សម្រាប់​ប្រទេស​កម្ពុជា​ក្នុង​ការ​បង្កើត​គេហទំព័រ Wikipedia ជា​ភាសា​ខ្មែរ​ផ្ទាល់​ខ្លួន​ដើម្បី​ផ្ទុក​ប្រវត្តិ និង​មេរៀន​ជា​ច្រើន ​នៃ​ប្រទេស​កម្ពុជា​ទុក​ឱ្យ​កូន​ខ្មែរ​សិក្សា​បន្ថែម។ ក្នុង​នោះ​មាន​កូន​ខ្មែរ​មួយ​ចំនួន​មិន​ទាន់​ស្គាល់ និង​យល់​ច្បាស់​អំពី​គេហទំព័រ​មួយ​នេះ​នៅឡើយ។

ដោយ​បច្ចុប្បន្ន​ក្នុង​នាម​ជា​អ្នក​ទទួល​បន្ទុក​ដឹក​នាំ​ការងារ​គេហទំព័រ Wikipedia ភាសាខ្មែរ លោក សុខ គឹមហេង បានចូល​ខ្លួន​មក​ពន្យល់​អំពី​គេហទំព័រ​នេះ​ប្រាប់ Sabay ថា Wikipedia ភាសាខ្មែរ​​ផ្ទុក​ទិន្នន័យ​របស់​ប្រទេស​កម្ពុជា​ និយាយ​រួម​គឺ​ជា​ឃ្លាំង​សម្រាប់​ប្រមូល​ផ្ដុំ​ដូចជា ប្រវត្តិ, មេរៀន, ក្បួន​ច្បាប់​ផ្សេងៗ និង​អ្វី​ជា​ច្រើន​ទៀត​ទុក​សម្រាប់​ប្រជាជន​ខ្មែរ​គ្រប់​រូប​។

“Wikipedia ភាសាខ្មែរ​មាន​លក្ខណៈ​ស្រដៀង​ទៅ​នឹង​វចនានុក្រម​ដែរ គ្រាន់​តែ​វចនានុក្រម​បង្ហាញ​អត្ថន័យ​របស់​ពាក្យ ប៉ុន្តែ​សម្រាប់ Wikipedia វិញ​ប្រសិន​បើ​យើង​វាយ​អក្សរ​វា​នឹង​ចេញ​អត្ថបទ​ទាក់ទង​ទៅ​នឹង​ពាក្យ​នោះ​ ទាំងអស់”។

អត្ថបទទី២៖ Wikipedia ខ្មែរ​ឈរ​លេខ ១៥៩!

បើ​តាម​សម្ដី​របស់​ប្រធាន​ដឹក​នាំ​ក្រុម​ការងារ​គេហទំព័រ Wikipedia ខ្មែរ​លោក សុខ គឹមហេង​បាន​លើក​ឡើង​​ថា បច្ចុប្បន្ន​គេហទំព័រ Wikipedia ភាសាខ្មែរ​កំពុង​ឈរ​នៅ​លំដាប់​ថ្នាក់​លេខ ១៥៩ ក្នុង​ចំណោម Wikipedia ភាសា​ជា​ច្រើន​លើ​ពិភព​លោក ខណៈ​ភាសា​អង់គ្លេស​នៅ​ចំណាត់​ថ្នាក់​លេខ១។

ប្រធាន​ដឹក​នាំ​ក្រុម​ការងារ Wikipedia ជា​ភាសា​ខ្មែរ​រូប​នេះ​គូស​បញ្ជាក់​ថា ចំណាត់​ថ្នាក់​នេះ​អាច​ប្រែប្រួល​រៀងរាល់​ថ្ងៃ ព្រោះ​ថា​ប្រសិន​បើ​មាន Wikipedia ភាសា​ណា​មួយ​បញ្ចូល​អត្ថបទ​ច្រើន​ជាង​ នោះ​គេហទំព័រ​នោះ​នឹង​លោត​ចំណាត់​ថ្នាក់​ឡើង​ភ្លាម។

ក្រៅពីអត្ថបទសារព័ត៌មានខាងលើនេះ វិគីភីឌាភាសាខ្មែរយើងក៏ទទួលបានចំណាប់អារម្មណ៍ពីសហគមន៍ Blogger ខ្មែរយើង។

• អត្ថបទមួយនេះគឺតាំងពីឆ្នាំ២០០៥ ពេលដែលវិគីភីឌាភាសាខ្មែរយើងទើបតែបង្កើត – Development of Cambodia Wikipedia ដោយលោក Tharum (ជាភាសាអង់គ្លេស) ។
• ហើយនៅដើមខែមិនា ឆ្នាំ២០១១នេះ គាត់ក៏បានសរសេរអត្ថបទថ្មីមួយអំពីការអភិវឌ្ឍនៃវិគីភីឌាភាសាខ្មែរយើងក្នុងរយៈពេល៥-៦ឆ្នាំក្រោយពីការបង្កើតនៅដើមឆ្នាំ ២០០៥។ លោកអ្នកអាចអានអត្ថបទ Five Years and Counting for Khmer Wikis នេះបាន នៅប្លករបស់ VOAnews.com (ជាភាសាអង់គ្លេស) ។

សូមអរគុណ! និងរីករាយថ្ងៃអាទិត្យ ចុងសប្ដាហ៍!

វិគី​ជួប​ជុំ ភ្នំពេញ លើក​ទី៣ / Third WikiMeetUp Phnom Penh

កាល​ពី​ថ្ងៃ​ទី​៣០ ខែ​មេសា ឆ្នាំ​២០១១ កិច្ច​ជួប​ជុំ​ដែល​បង្កើត​ដោយ​សហគមន៍​វិគីភីឌា​ភាសា​ខ្មែរ បាន​ធ្វើ​ឡើង​នៅ​ឯ HackerSpace ហើយ​ទទួល​បាន​ភាព​ជោគ​ជ័យ​យ៉ាង​ល្អ។ ហើយ​រាល់​កិច្ច​ជួប​ជុំ ត្រូវ​ធ្វើ​ឡើង​រៀង​រាល់​ចុង​ខែ និង​ចំ​ថ្ងៃ​ចុង​សប្ដាហ៍​ផង​ដែរ ដើម្បី​ឲ្យ​បង​ប្អូន​ដែល​ជាប់​រវល់​ការ​ងារ​នៅ​ថ្ងៃ ចន្ទ ដល់ សៅរ៍ អាច​ចូលរួម​បាន។

នៅ​ថ្ងៃ​ទី​២៩ ខែ​ឧសភា ឆ្នាំ​២០១១ នេះ​ជំនួប​លើក​ទី៣ នឹង​ត្រូវ​ធ្វើ​ឡើង ដោយ​លើក​យក​ប្រធាន​បទ​ល្អៗ​មក​ធ្វើ​ការ​បង្ហាញ។

ប្រធាន​បទ៖

• រៀប​រាប់​ពី​ប្រវត្តិ​ត្រួសៗ​របស់​វិគីភីឌា​ខ្មែរ
• អំពី​របៀប​ប្រើ​ប្រាស់ ឧបករណ៍​សរសេរ​អត្ថបទ
• រៀប​ចំ​ក្រុម​សរសេរ​អត្ថបទ​តាម​ផ្នែក
• ការប្រកាសអំពីការជ្រើសរើស​រក​រូប​តំណាង​ថ្មី
• ស្វែង​រក​អ្នក​ស្ម័គ្រ​ចិត្ត ក្នុង​ការ​ចូលរួម​ជួយ សហគមន៍​វិគី​ខ្មែរ
• មតិ​កែ​លម្អ​នានា

ពេល​វេលា៖ ២:០០​ថ្ងៃ​ត្រង់ ដល់ ៥ល្ងាច

កន្លែង​ចុះ​ឈ្មោះ៖ https://spreadsheets.google.com/spreadsheet/viewform?formkey=dExlSVVRalNqdlBpNGlzNDZvUXVXUUE6MQ

ទំព័រ​ព្រឹត្តិការណ៍​លើ Facebook៖ http://www.facebook.com/event.php?eid=153096294756135

ទី​កន្លែង៖ សាកលវិទ្យាល័យ ហ្សាម៉ាន់, ផ្លូវ​លេខ 315 No: 8, សង្កាត់​បឹងកក់១, ខណ្ឌ​ទួល​គោក, រាជ​ធានី​ភ្នំពេញ [ផែនទី៖http://zamanuniversity.com/node/15 ]

តម្រូវ​ការ​ក្នុង​ការ​ចូលរួម៖ បើ​អាច សូម​យក​លេបថប​ទៅ​ម្នាក់​១​គ្រឿង ដើម្បី​អនុវត្ត​ការ​សរសេរ​អត្ថបទ​ថ្មី។