Tag Archives: WikiMeetupPP

វិគីជួប​ជុំ លើក​ទី៤ ក្នុង​ទី​ក្រុង​ភ្នំពេញ

ដោយ​មាន​ការ​គាំទ្រ​យ៉ាង​ច្រើន​ពី​សំណាក់​បង​ប្អូនជាតិ​ខ្មែរ ធ្វើ​ឲ្យ​ក្រុម​ការ​ងារ​យើង​មាន​ទឹកចិត្ត​សប្បាយ​រីករាយក្នុង​ការ​បង្កើត​កម្មវិធី វិគីជួប​ជុំ ជា​រៀង​រាល់​លើក។ កាល​ពី​ថ្ងៃ​ទី២៩ ខែ​ឧសភា ឆ្នាំ​២០១១ នេះ​វិគីជួប​ជុំ​លើក​ទី៣ បាន​បញ្ចប់​ជា​ស្ថាបពរ​ភ្ជាប់​មក​ជាមួយ​ភាព​ជោគជ័យ។ នៅ​ថ្ងៃ​នេះ​ក្រុម​ការ​ងារ​យើង​ខ្ញុំ សូម​ប្រកាស​ដល់​បង​ប្អូន​ទាំង​អស់​គ្នាថា វិគីជួប​ជុំ លើក​ទី៤ ក្នុង​ទី​ក្រុង​ភ្នំពេញ នឹង​ធ្វើ​ឡើង៖

  • ពេលវេលា៖ នៅ​ថ្ងៃ​ទី២៦ ខែ​មិថុនា ឆ្នាំ​២០១១ វេលា​ម៉ោង​២​រសៀល ដល់​ម៉ោង​៥ល្ងាច
  • ទី​កន្លែង៖ សកលវិទ្យាល័យ ពុទ្ធិសាស្ត្រ [ផែន​ទី៖ http://www.puthisastra.edu.kh/index.php?q=node%2F11]
  • ប្រធាន​បទ
    • ណែនាំខ្លីៗអំពីវិគីភីឌាភាសាខ្មែរ
    • ណែនាំពីការប្រើប្រាស់ឧបករណ៍ក្នុងគេហទំព័រ (បន្ដ)
    • របៀបដាក់ចំណាត់ក្រុម និង ការប្រើប្រាស់ផ្សេងៗទៀត
    • របៀបប្រើចន្លោះមើលមិនឃើញ ក្នុងយូនីកូដខ្មែរ
    • ការ​ចែក​រំលែក​បទ​ពិសោធន៍​អំពី​ការ​សរសេរ​អត្ថបទ ពី​សំណាក់​វាគ្មិន
    • ពិភាក្សាក្រុម និង ស្វែងរកសមាជិកក្រុមនិមួយៗ (បន្ដពីការជួបជុំលើកទី៣)
    • គម្រោងនាពេលអនាគតដ៏ខ្លី
    • ផ្សេងៗ សំនួរ ចម្លើយ
  • ទំព័រ​អំពី​ព្រឹត្តិការណ៍​ នៅ​ក្នុង Facebook៖ https://www.facebook.com/event.php?eid=193595574026275
Advertisements

1 មតិ

Filed under វិគីជួបជុំ / WikiMeetup

របាយការណ៍៖ វិគី​ជួប​ជុំ ភ្នំពេញ លើក​ទី​២ – #WikiMeetup PP2 Report #kmwp

{ដក់ស្រង់ចេញពីប្លករបស់សុវិចិត្រ ហៅ វិចូច}

កាល​ពី​រសៀល​ថ្ងៃ​នេះ (៣០/០៤/២០១១) វេលា​ម៉ោង​២ កិច្ច​ជំនួប​មួយ​ដែល​មាន​ឈ្មោះ​ថា វិគីជួប​ជុំ ភ្នំពេញ បាន​ប្រព្រឹត្តិទៅ​នៅ​ឯ HackerSpace។ កិច្ច​ជំនួប​នេះ​ធ្វើ​ឡើង​ចំ​ថ្ងៃ សៅរ៍ ដូច្នេះ​មិន​សូវ​មាន​អ្នកចូលរួម​ទេ ហើយ​អ្នក​ដែល​បាន​ចូលរួម​កាល​ពី​រសៀល​នេះ មាន​ចំនួន​ត្រឹម​តែ ១៤នាក់​ប៉ុណ្ណោះ តែ​យ៉ាង​ណា​ក៏​ច្រើន​ជាង​ការ​ជួប​ជុំ​លើក​ទី​១ ដែល​មាន​ត្រឹម​តែ​៣​នាក់​ប៉ុណ្ណោះ។ ម្យ៉ាង​វិញ​ទៀត កិច្ច​ជំនួប​លើក​នេះ បាន​ធ្វើ​ឲ្យ​មាន​ការ​ចាប់​អារម្មណ៍​ពី​សំណាក់​សារ​ព័ត៌មាន​មួយ​ចំនួន​ដូច​ ជា៖ ទស្សនាវដ្ដី CM, Sabay Web, និង វិទ្យុអូស្ត្រាលី។ នេះ​គឺ​ជា​ការ​ចាប់​ផ្ដើម​ម្ដង​ទៀត ដើម្បី​ធ្វើ​ឲ្យ​វិគីភីឌា​ភាសា​ខ្មែរ មាន​ភាព​រស់​រវើក កាល​ពី​មុនឆ្នាំ​២០០៨។ ហេតុ​ផល​ដែល​ជា​ឧបសគ្គ​នោះ ក៏​ព្រោះ​តែ​វិគីភីឌា​ភាសា​ខ្មែរ ពុំ​ទាន់​មាន​អ្នក​អភិបាល​ណា​ម្នាក់ មាន​តួនាទី​ក្នុង​ការ​គ្រប់​គ្រង​នូវ​ផ្នែកណា​មួយ​ឡើយ។ គម្រោង​រៀប​ចំ​ក្រុម​នៅ​ថ្ងៃ​មុខ គឺ​យើង​នឹង​បង្កើត​ជា​ក្រុម​តូចៗ​ទៀត​ដូចជា ក្រុម​សម្រាប់​អត្ថបទ​ប្រវត្តិសាស្ត្រ, អរិយធម៌, វិទ្យាសាស្ត្រ និង​ផ្សេងៗ​ទៀត។ កិច្ច​ប្រជុំ​លើក​នេះ គឺ​ទទួល​បាន​ការ​ចាប់​អារម្មណ៍​ច្រើន​ពី​សំណាក់​បង​ប្អូន​ជនជាតិ​ខ្មែរ​ទាំង ​ឡាយ។ ព្រឹត្តិការណ៍​នេះ​ត្រូវ​បាន​រៀប​ចំ​ឡើង​ដោយ៖ បង​វណ្ណថារិទ្ធ, បង សុខ​គឹម​ហេង និង ខ្ញុំ។ ចំណុច​ដែល​បាន​ធ្វើ​ការ​បង្ហាញ នៅ​ក្នុង​វិគីជួប​ជុំ​លើក​ទី​២​នេះ គឺ​ជា​ការ​ណែនាំ​រៀប​រាប់ អំពី​ប្រវត្តិ​វិគីភីឌា, ប្រវត្តិ​វិគីភីឌា​ខ្មែរ, បញ្ហា​ចំពោះ​អត្ថបទ, ដំណោះ​ស្រាយ និង​ផ្សេងៗ​ជា​ច្រើន​ទៀត។ ក្រៅ​ពី​នេះ​យើង​ក៏​បាន​ឲ្យ​អ្នក​ចូលរួម​ទាំង​អស់ ធ្វើ​ការ​បំពេញ​នូវចំណាប់​អារម្មណ៍ និង​ការ​ចូលរួម​ចំណែក​របស់​ពួក​គាត់ នៅ​ពេល​ខាង​មុខ សម្រាប់​វិគីភីឌា​ភាសា​ខ្មែរ។

{លោកអ្នកអាចអានអត្ថបទទាំងស្រុង ដោយចុចលើតំណភ្ជាប់នេះ។}

បញ្ចេញមតិ

Filed under របាយការណ៍ / Report, វិគីជួបជុំ / WikiMeetup

ស្វាគមន៍មកកាន់ប្លកនៃសហគមន៍វិគីភីឌាភាសាខ្មែរ – Welcome to #kmwp blog!

ស្វាគមន៍មកកាន់ប្លកនៃសហគមន៍វិគីភីឌាភាសាខ្មែរយើង!

ប្លកនេះគឺស្ថិតនៅក្នុងការសាកល្បងនៅឡើយ។ ដូច្នេះសូមរង់ចាំតាមដានទាំងអស់គ្នា។

ជាកិច្ចស្វាគមន៍ និងសម្រាប់ប្រកាសន៍លើកដំបូងគេ ក្រុមការងារយើងសូមចែករំលែកនូវបទបង្ហាញអំពីប្រវត្តរបស់វិគីភីឌាភាសាខ្មែរយើង ក៏ដោយជាសេចក្ដីណែនាំទូទៅអំពី អ្វីទៅជាគម្រោងវិគីភីឌា, អង្គការណានៅពីក្រោយគម្រោងចំណេះដឹងសកល ដោយសេរីនិងឥតគិតថ្លៃនេះ ។ល។ និង ។ល។

សូមរីករាយទស្សនាបទបង្ហាញនេះទាំងអស់គ្នា! សូមអរគុណ!

1 មតិ

Filed under បទបង្ហាញ / PPT